फूड फॉर थॉट

  त्या दोघी , दोघींनाही पहिल्यांदाच भव्यतेचा साक्षात्कार. एकीला मायाजलाचा भास तर दुसरीला उज्ज्वल भाग्याची आस. एकी समोर उभा राहतो कष्टमय भूतकाळ तर दुसरीला खुणावतो प्रकाशमय भविष्यकाळ  एक संसाराचा गाडा ओढून थकलेली तर दुसरी संघर्षासाठी खंबीर पणे उभी ठाकलेली. एकीचे डोळे वैभवाने दिपलेले तर दुसरीचे त्या वैभवाला मुठीत घेण्यासाठी हपापलेले. एक जीवनाला साध्या मार्गाने जगणारी तर दुसरी आपला नवा यशाचा मार्ग चोखनदळ पणे निवडणारी.  एक संसाराच्या मायाजाळातून बाहेर पडलेली तर दुसरी त्या  मायाजाळाकडे ओढत चाललेली. एक आयुष्याच्या रम्य संध्याकाळात रमलेली तर दुसरी उंच भरारी घेण्याच्या विश्वासाने भरलेली. ©   जितेंद्र मनोहर शिंदे

                                                                                  संध्याकाळी मी प्रवास करत नाही , कारण संध्याकाळी मी माझा राहत नाही. आठवणींचा कल्लोळ माजतो मनात आणि मन गुंतत जाते भूतकाळात. अनेक प्रसंग , अनेक माणसे डोकावून जातात , कधी मनाला दुखावून तर कधी सुखावून जातात .  मन वेडे शोधत असते जुने सुखाचे क्षण , पण का राहून राहून आठवतात ते कठोर यातना दायी क्षण. गाडी जशी घेते वेग तश्या ह्या आठवणी पण जोराने उचंबळून येतात , किती सावरता सावरल्या तरी मनाला हरवून जातात. मनाला सावरणे हे केवळ निमित्त असते , खरे म्हणजे स्वतःला न दुखावू देण्याचा   एक अट्टाहास असतो. तरी मन बावरे काही माझे ऎकत नाही , किती सावरता सावरले तरी पुन्हा येते आठवणींवरी. काही ...

                                                                                           '' मै खेलेगा '' क्रिज वर उभा रहा क्रिज सोडू नकोस. अनेक फास्ट बॉल येतील, तूला झुकवतील, तूला जखमी करतील, क्रिज वर उभा रहा क्रिज सोडू नकोस. अनेक अपील होतील, अनेक जण तूला डिवचतील, विचलित होऊ नकोस, क्रिज वर उभा रहा क्रिज सोडू नकोस. अनेक वेळा पळताना तूला प्रतिस्पर्धी रन आउट करायला बघतील, पळत रहा, वेळेवर क्रिज वर परत ये आणि पून्हा एकदा क्रिज वर उभा रहा क्रिज सोडू नकोस. अनेक वेळा तू उचललेला बॉल सीमारेषेवर झेलण्याचा प्रयत्न होईल, तू तुझ्या फटक्याची उंची वाढव आणि बॉलला सीमारेषेपार पोचव आणि पुन्हा एकदा क्रिज वर उभा रहा क्रिज सोडू नकोस. अनेक वेळा तूला बिट केले जाईल, तुझे मानसिक खच्चीकरण करण्यासाठी चुहुबाजूने फिल्डिंग लावली जाईल तू बॉल वर ल...